سری لنکا کے صدر خفیہ ادارے کے سربراہ پر برہم

سری لنکا کے صدر خفیہ ادارے کے سربراہ پر برہم

سری لنکا کے صدر میتھری پالا سری سینا نے ملکی خفیہ ادارے کے سربراہ پر عوامی سطح پر تنقید کی ہے۔ جمعرات کے روز ایک پارلیمانی پینل کے سامنے اپنے ایک بیان میں خفیہ ادارے کے سربراہ سیسیرا میندِس نے کہا تھا کہ ایسٹر خودکش حملوں کو روکا جا سکتا تھا۔ پارلیمانی پینل کے سامنے پیشی پر میندِس نے اعتراف کیا تھا کہ ممکنہ حملوں سے متعلق ملنے والی خفيہ اطلاعات کے بعد انہيں قومی سلامتی کونسل کا اجلاس طلب کرنا چاہیے تھا۔