مغربی بنگال میں مسلح سیاسی تصادم میں چار ہلاک

بھارت میں حکمران بھارتیہ جنتا پارٹی اور ریاست مغربی بنگال کی ایک علاقائی پارٹی کے حامیوں میں تصادم کے دوران کم از کم چار افراد ہلاک ہو گئے ہیں۔ پولیس کے مطابق ہلاک شدگان میں بی جے پی کے تین جب کہ علاقائی جماعت ٹرینامُول پارٹی سے تعلق رکھنے والا ایک شخص ہلاک ہوا۔ فائرنگ میں مذید 18 افراد زخمی بھی ہوئے۔ بی جے پی نے سن 2014 کے انتخابات میں مغربی بنگال سے صرف دو نشستیں جیتی تھیں لیکن حالیہ انتخابات میں اس نے 18 نشستوں پر کامیابی حاصل کی۔