یمنی جنگ میں ساڑھے سات ہزار بچے ہلاک و زخمی ہو چکے ہیں

يمن ميں سن 2013 سے لے سن 2018 کے اختتام تک ساڑھے سات ہزار سے زائد بچے شديد زخمی يا ہلاک ہو چکے ہيں۔ يہ انکشاف اقوام متحدہ نے جمعہ اٹھائيس جون کو جاری کردہ اپنی ايک رپورٹ ميں کيا۔ رپورٹ کے مطابق ہسپتالوں اور اسکولوں پر حملوں کے 381 واقعات رونما ہوئے، جن ميں سے ميں سے 345 واقعات ميں متاثرہ عمارات مکمل طور پر منہدم ہو گئيں يا ان ميں اتنی زيادہ ٹوٹ پھوٹ ہوئی کہ وہ قابل استعمال نہ رہيں۔ رپورٹ ميں جنسی زيادتی کے بھی گيارہ واقعات کا ذکر ہے گو کہ ماہرين کا کہنا ہے کہ اس نوعيت کے جرائم کی تعداد اس سے کہيں زيادہ ہو سکتی ہے۔ عرب دنيا کے سب سے غريب ملک يمن ميں سن 2014 سے مسلح تصادم جاری ہے۔