چینی صدر اولین دورے پر شمالی کوریا پہنچ گئے

چینی صدر شی جن پنگ آج جمعرات کو شمالی کوریا کے دو روزہ دورے پر پیونگ یانگ پہنچ گئے۔ چین کے سرکاری خبر رساں ادارے شنہوا کے مطابق صدر شی کے ہمراہ ان کی اہلیہ اور کمیونسٹ پارٹی کے چند رہنما بھی ہیں۔ توقع کی جا رہی ہے کہ شی اس دوران شمالی کوریائی رہنما کم جونگ ان کو امریکا کے ساتھ تعطل کے شکار جوہری مذاکرات کی بحالی پر آمادہ کر لیں گے۔ گزشتہ چودہ برسوں کے دوران کسی چینی صدر کا شمالی کوریا کا یہ پہلا دورہ ہے۔ تاہم کم جونگ اُن اس دوران کئی مرتبہ چین کے دورے کر چکے ہیں۔