آج جمعرات کو یورپی یونین کا ایک سربراہی اجلاس منعقد ہو رہا ہے۔ یونین کے ذرائع نے بتایا کہ اس اجلاس کے دوران یورپی یونین کے اہم ترین عہدوں پر تقرریوں پر بات چیت کی جائے گی۔ آج ہی یورپی کونسل کے صدر ڈونلڈ ٹسک کئی سیاستدانوں سے انفرادی ملاقاتیں بھی کریں گے۔ رواں برس موسم خزاں تک یورپی کونسل اور یورپی کمیشن کی سربراہی کے ساتھ ساتھ یورپی پارلیمان کی اسپیکرشپ اور یورپی مرکزی بینک کی صدارت کے علاوہ کئی سفارتی عہدے بھی خالی ہو جائیں گے۔ برسلز میں ہونے والے اس اجلاس میں تحفظ ماحول اور جعلی خبروں جیسے موضوعات بھی زیر بحث آئیں گے۔
Comments
Post a Comment