بھارت میں مہلک دماغی بیماری سے ڈیڑھ سو سے زائد بچے ہلاک

بھارتی ریاست بہار میں دماغ کی مہلک بیماری سے ہلاک ہونے والے بچوں کی تعداد 150 سے تجاوز کر گئی ہے۔ ملکی سپریم کورٹ نے بیماری سے نمٹنے کے لیے ضروری حکومتی اقدامات کی ہدایت جاری کی ہے۔ مشرقی بھارتی ریاست کے طبی محکمے کے مطابق مظفرپور شہر کے دو ہسپتالوں میں 131 ہلاکتیں ہوئی ہیں۔ یہی ضلع اس مہلک بیماری کی وبا کا مرکز قرار دیا گیا ہے۔ وفاقی وزیر صحت کے حکم پر ضلع مظفرپور کے چیف مجسٹریٹ نے انکوائری کا حکم دیا ہے۔ اس بیماری کا نام Encephalitis Syndrome ہے۔ خیال کیا گیا ہے کہ بچوں میں یہ مرض کچی لیچی کا پھل کھانے سے پیدا ہوا ہے۔