نيٹو کے رکن ملکوں کو دفاعی بجٹ بڑھانا ہو گا، ٹرمپ

برطانوی دارالحکومت ميں اخباری نمائندوں سے بات چيت کرتے ہوئے امريکی صدر ڈونلڈ ٹرمپ نے کہا ہے کہ مغربی دفاعی اتحاد نيٹو کے رکن ممالک کو اپنا دفاعی بجٹ بڑھانا ہی ہوگا، اس کے علاوہ ان کے پاس کوئی چارہ نہيں۔ انہوں نے يہ بيان برطانوی وزير اعظم ٹيريزا مے سے ملاقات کے بعد ديا۔ ٹرمپ کا ايک عرصے سے مطالبہ رہا ہے کہ کئی رکن ممالک، جو اپنی مجموعی قومی پيداوار کا دو فيصد نيٹو کے ليے ادا نہيں کرتے، انہيں مقررہ دو فيصد ادا کرنا چاہيے۔ دريں اثناء اپنے تين روزہ دورہٴ برطانيہ ميں ٹرمپ نے آج بروز منگل سياسی و کاروباری رہنماؤں سے ملاقاتوں کا سلسلہ جاری رکھا ہوا ہے۔ اس موقع پر لندن ميں ٹرمپ کی مخالفت ميں وسيع تر احتجاجی مظاہرے بھی نکالے گئے۔