یورپی ممالک میں گرمی کی لہر، ریکارڈ درجہ حرارت

یورپ میں گرمی کی شدید لہر جاری ہے۔ اب تک جرمنی، فرانس، بیلجیم اور ہالینڈ سمیت کئی مغربی یورپی ممالک میں گرمی نے کئی ریکارڈ توڑ دیے ہیں۔ فرانس میں درجہ حرارت بیالیس ڈگری سینٹی گریڈ سے زیادہ رہا جب کہ جرمنی میں زیادہ سے زیادہ درجہ حرارت چالیس اعشاریہ پانچ ڈگری سینٹی گریڈ ریکارڈ کیا گیا۔ گرمی کی یہ لہر آج بھی جاری رہے گی۔ پیرس میں آج گرمی کا ستر برس پرانا ریکارڈ ٹوٹ جانے کا خدشہ ظاہر کیا جا رہا ہے۔ شدید گرمی کے باعث یورپی ممالک میں ٹریفک کے علاوہ عمومی نظام زندگی بھی بری طرح سے متاثر ہوا ہے۔