شام میں دس دنوں میں سو سے زائد شہری ہلاک

شام میں حکومتی فورسز اور ان کے اتحادیوں کی طرف سے گزشتہ دس دنوں سے جاری عسکری کارروائیوں کے نتیجے میں ہلاک شدگان کی تعداد ایک سو تین ہو گئی ہے۔ اقوام متحدہ کی انسانی حقوق کی کمشنر میشل باچیلٹ نے جمعے کے روز جنیوا میں صحافیوں کو بتایا کہ یہ ہلاکتیں اسکولوں، مارکیٹوں اور ہسپتالوں پر ہونے والے حملوں کے نتیجے میں ہوئیں۔ انہوں نے مزید کہا کہ ہلاک ہونے والے تمام افراد عام شہری تھے۔ باچیلٹ کا کہنا تھا کہ ایسا نہیں لگتا کہ یہ شہری فوجی کارروائیوں میں حادثاتی طور پر مارے گئے۔