نیب نے مریم نواز کو حراست میں لے لیا

قومی احتساب بیورونے آج لاہور میں چوہدری شریف شوگر ملز کیس میں پاکستان مسلم لیگ نون کی رہنما مریم نواز اور نوازشریف کے بھتیجے یوسف عباس کو گرفتار کرلیا ہے۔قومی احتساب بیورو کے نوٹی فیکیشن کے مطابق کل لاہور کی احتساب عدالت میں پیش کرنے سے پہلے ڈاکٹروں کی ایک ٹیم دونوں کا معائنہ کرے گی ۔
پاکستان مسلم لیگ نواز کی رہنما مریم نواز شریف کو حراست میں لے لیا گیا ہے۔ پارٹی کی ترجمان
 مریم اورنگزیب کے مطابق مریم نواز کو قومی احتساب بیورو نے لاہور سے گرفتار کیا۔ ان کے خلاف الزامات کی تفصیل ابھی واضح نہیں۔ مریم نواز کو پاکستان کی ایک عدالت نے سات برس قید کی سزا سنائی تھی تاہم وہ ضمانت پر رہا تھیں۔