اقوام متحدہ کی سلامتی کونسل میں کشمیر کے معاملے پر غور و خوض پر بھارت نے برہمی کا اظہار کیا ہے۔ اقوام متحدہ میں بھارتی سفیر سید اکبر الدین نے اس معاملے پر بیرونی مشوروں پر خفگی کا اظہار کرتے ہوئے کہا کہ بھارت ایک ارب سے زائد افراد کا ملک ہے اور کسی بین الاقوامی ادارے کو انہیں یہ بتانے کی ضرورت نہیں کہ وہ اپنی زندگیاں کیسے گزاریں۔ بھارت کی طرف سے جموں و کشمیر کی خصوصی حیثیت ختم کرنے کے بعد جمعہ کے روز اس معاملے پر سلامتی کونسل میں غیررسمی مشاورت ہوئی۔ سن اکہتر کے بعد یہ پہلی مرتبہ ہے کہ کشمیر کا مسئلہ سلامتی کونسل میں زیر بحث آیا۔
Comments
Post a Comment