ترکی میں اسلحے کے گودام میں دھماکے

ترکی میں شام کی سرحد کے قریب واقع صوبے ہاتے میں ہتھیاروں کے ایک گودام میں پے در پے دھماکے ہوئے ہیں۔ حکام کے مطابق صوبے کے ریحانلی نامی قصبے میں یہ دھماکے جمعرات اور جمعے کی درمیانی شب ساڑھے تین بجے ہوئے۔ ترک میڈیا کے مطابق دھماکوں کے بعد گودام کے قریبی مکانات کو خالی کرا لیا گیا۔ فی الحال ان دھماکوں کے اسباب سامنے نہیں آئے ہیں اور نہ کسی جانی نقصان کی اطلاعات سامنے آئی ہیں۔