سائبیریا میں روسی اسلحہ ڈپو میں دھماکے

روسی فوج کے سائبیریا میں موجود ایک اسلحے کے ایک ذخیرے میں دھماکوں کے نتیجے میں کم از کم آٹھ افراد زخمی ہو گئے ہیں۔ روسی وزارت دفاع کے مطابق دھماکوں کا سبب اسلحہ ڈپو میں لگنے والی آگ بنی۔ دھماکوں کے بعد سائبیریا کے کراسنایارسک خطے میں ہنگامی حالت نافذ کر کے ہزاروں افراد کو محفوظ مقامات پر منتقل کر دیا گیا ہے۔ اسحلے کے ذخیرے میں شدید آگ کے باعث متاثرہ علاقے سے تیس کلو میٹر تک کے دائرے میں فضائی ٹریفک بھی روک دی گئی ہے۔