سمندری طوفان ’ڈوریان‘ کے باعث بہاماس میں ہلاکتوں کی تعداد سات ہو گئی

طاقتور سمندری طوفان ’ڈوریان‘ کے باعث جزائر بہاماس پر ہونے والی تباہی کے نتیجے میں کم از کم سات افراد ہلاک ہو گئے۔ یہ بات کیوبا اور امریکی ریاست فلوریڈا کے مابین واقع جزائر بہاماس کے وزیر اعظم ہُوبرٹ مِنِّس نے ایک پریس کانفرنس میں بتائی۔ دریں اثناء ماہرین نے ’ڈوریان‘ کو اب کیٹیگری دو کا طوفان قرار دے دیا ہے، جو اب بھی کافی زیادہ تباہی مچا سکتا ہے۔ ’ڈوریان‘ اتوار کے روز جزائر بہاماس کے ساحلی علاقوں سے ٹکرایا تھا۔ تب اس طوفان کے ساتھ آنے والے جھکڑوں کی رفتار تین سو کلومیٹر یا دو سو بیس میل فی گھنٹہ تک پہنچ گئی تھی۔