جنوبی فلپائن میں مارشل لا ختم کر دیا گیا

فلپائنی حکومت نے ملک کے جنوبی حصے میں عائد مارشل لا کو ختم کرنے کا اعلان کیا ہے۔ یہ مارشل لا 23 مئی سن 2017 میں عائد کیا گیا تھا۔ اس سخت فوجی ایمرجنسی قانون کا اطلاق منڈاںاؤ اور اس کے قریبی علاقے پر تھا۔ مارشل لا کے خاتمے کا اعلان ملکی وزیر دفاع نے منیلا میں ایک پریس کانفرنس میں کیا۔ انہوں نے بتایا کہ مراوی شہر میں بغاوت کے بعد پیدا ہونے والی صورت حال عملی طور پر ختم ہو چکی ہے۔ مارشل لگانے کا فیصلہ مراوی شہر پر پانچ ماہ تک جاری رہنے والے فوجی محاصرے کے دوران کیا گیا۔ اس محاصرے کے دوران بارہ سو انسانی جانیں ضائع ہوئی تھیں۔ فلپائن کا جنوبی علاقہ مسلم اکثریتی ہے۔